Xa está aberto o segundo prazo de inscrición no Programa Europracticum, programa de prácticas remuneradas para titulados da USC en empresas europeas.
Poderán beneficiarse destas bolsas 60 titulados/as da USC, que obtiveran a súa titulación dende xaneiro de 2004 a febreiro de 2009 (incluídos) e que desexen completar a súa formación con prácticas en empresas europeas, coñecendo novas formas de traballo nun ambiente multicultural, á vez que mellorar as súas competencias lingüísticas.
As prácticas, cunha duración de 24 semanas, enténdense coma complemento de formación, polo tanto, están sempre acordes coa titulación do bolseiro. Unha bolsa Europracticum consta de seguro médico e aportación económica para gastos de viaxe, aloxamento e manutención. Á aportación económica da bolsa está en función do país de destino.
Para máis información contacte con:
Campus de Lugo
Area de Orientación Laboral
Edificio Servizos Administrativos e Biblioteca Intercentros
Teléfono: 982 28 59 00 Extensión: 23562
Campus de Santiago
Consello Social
Casa da Concha (Rúa da Conga)
Teléfono 981 55 21 00
www.usc.es/csocial
