As testemuñas
¿Quen poden selo?
Das tres persoas testemuñas necesarias, duas delan non poden ter vinculación coa persoa outorgante do DIP por matrimonio, unión libre ou parella de feito, parentesco ata o segundo grao de consanguinidade ou afinidade (pai/nai, sogro/sogra, fillo/filla, xenro/nora, avó/avoa, irmán/irmá, cuñado/cuñada ou neto/neta) ou relación patrimonial algunha.
¿Cal é a súa función?
As testemuñas confirman a identidade da persoa outorgante que asina, na súa presenza, o Documento de Instrucións Previas e declaran que a persoa o fixo plenamente consciente, sen que lles conste que sexa incapacitada xudicialmente, e sen poder apreciar ningún tipo de coacción na súa decisión.
As testemuñas non teñen que ter acceso ao contido do Documento de Instrucións Previas realizado pola persoa outorgante.